انتخابات المكتب .... اتقوا الله

السلام عليكــم ورحمـة الله وبركاتــة ،، يعني قامت الدنيا ولم تقعد اليمين اللي فاتوا حوالين مكتب الارشاد وانتخاباته وما جرى واللي حصل حصل صح ولا غلط والحوارات والتغطية الاعلامية وخلافها . انا معنديش تفاصيل كاملة ده واحد اتنين اني شايف انه فيه ازمة هتكلم في نقطتين بالنسبة لحوار الدكتور حبيب والدكتور الزعفراني هم شرحوا اللي حصل من وجهة نظر اشخاص صحيح قيادات ولكن يظلوا اشخاص وبالتالي لا تصبح اراء عامة الا ان وصل الى عمنا الحقيقة كاملة عن اللائحة وعن الموقف ككل . النقطة التانية بالنسبة لموضوع الاستعجال وليه مستنيناش لمجلس الشرى الجديد وتعديل اللوئح وخلافه ، انا شايف ان الدكتور الزعفراني بيشبه الموضوع بقوانين الدولة وبالتالي لو جينا نشوف نجد ان اي دولة ممكن يحصل فيهاتأجيل قوانين او امور او او الى مجلس شعب او الى رئيس جديد حتى وبالتالي ليه شايفين انها جريمة انه تم تأجيل تعديل اللائحة الى مجلس الارشاد الجديد او الى مجلس الشورى الجديد انا هعمل حاجة مش بحبها واني هبرر الموقف من وجهة نظري وانا زيي زيكم والله لا ليا علم ولا عندي مصادر ولا خلافه بس كل الفكرة اني عايز ادي مثل ازاي ممكن نفكر اثناء الاوقات دي . انا تابعت كل الاعتراضات وكل المواقف المثارة وخلافه وفكرت فيها وقلت لنفسي ايه اللي ممكن يكون حصل او بمعنى اخر وضعت نفسي في مكن اي عضو من اعضاء المكتب ووصلت للتالي انه من خلال كلام الدكتور حبيب انه مجلس الشورى وافق على اجراء الانتخابات الان مرتين مرة بالاغلبية البسيطة ومرة بالاغلبية المطلقة وبالتالي من ناحية موافقة مجلس الشورى فمجلس الشورى موافق النقطة التانية كلام الدكتور حبيب والدكتور الزعفراني عن انه لابد من تعديل اللائحة اولا من ناحية انه ما ينفعش انه يبقى عضو مجلس شورى هو صاحب الراي والمرشح وهو اللي بيفرز والنقطة التانية انه لا يحق للمرشد دعوة مجلس الشورى لتسمية اعضاء المكتب الجديد والمرشد لانه ده من اختصاص المكتب والنقطة التالتة الي قالها الدكتور الزعفراني حتة الفصل بين السلطات وتحديد الصلاحيات وخلافه النقطة الاولانية بتاعة اعضاء مجلس الشورى فدي حتة اجرائية او شكل اجرائي هو مخالف للعرف او العقل او لا دي حاجة وخالف للائحة حجاة تانية بمعنى انه لو مخالف للائحة يبقى الانتخابات باطلة لو مخالف للعرف او للعقل او للبديهة وموجود في اللائحة تبقى الانتخابات صحيحة ولكن لابد من تصحيح هذا الشكل الاجرائي المعيب وبالتالي ده يكلف بيه مكتب الارشاد الجديد او مجلس الشورى وطبعا انا من خلال الكلام اميل للراي التاني نقطة مين اللي يدعو مجلس السشورى للانعقاد او لتسمية اعضاء المكتب فمن نص كلام الدكتور حبيب انه بعد اجراء الاستفتاء قال الاستاذ المرشد سيولي حكاية الانتخابات دي ولم يرد في كلام الدكتور حبيب انه حد قال لا وبالتالي يفهم ان المكتب وافق على ان المرشد هو المكلف او المسئول عن عملية الانتخابات وبالتالي يصبح مكتب الارشاد هو الداعي لمجلس الشورى لتسمية اعضاء المكتب الجديد من خلال المرشد العام . نقطة الفصل بين السلطات دي ارجعها لاول الكلام انه ممكن يكون تم اقرار ارجاء تعديل اللائحة لمكتب الارشاد ومجلس الشورى الجديدين بالنسبة لنقطة ليه مخليناش مكتب الارشاد لمجلس الشورى الجديد انا رايي انه كده صح ليه لانه الله اعلم ايه اللي ممكن يحصل خلال الست شهور الجايين تانيا مين اللي معاده الاول مكتب الارشاد ولا مجلس الشورى بمعنى هل انا كل ما هتبقى في انتخابات مجلس شورى جديدة قريبة استناها عشان اعمل انتخابات مكتب ارشاد معادها دلوقت طب ليه النقطة التالة هو ايه الفرق من دلوقتي كمان ست شهور ولا تلات شهور هيبقى في ناس تانية وهتختار اختيارات تانية يعني طيب ما الجداد دول هيتاح ليهم انهم كمان سنتين ولا اربع سنين يختاروا مكتب جديد . انا عارف ان كتير هيخشوا يرجموني بالكلام ومحدش هيبص للكلام ويفكر فيه ولكن هي كلمة حبيت اسجل فيها رايي مستعد اتناقش حواليه لكن اي كلام برة المناقشة مش هرد عليه الاخوة اللي تعبوا نفسهم وعملوا بانرات وبيقولوا كلام صعب جدا نصيحة والله مش مريسة ولا اي حاجة قبل ما تتكلم ما تحكمش عاطفتك بص للموضوع كويس حطله كل الاحتمالات ودور حةاليه كويس وبعدين كون رايك واحكم على رايك قبل ما تقوله وبعدين قوله ولو زي ما الاخ اللي كتب صرخة عنهم ( اللي سرقوا الجماعة ) وعنهم ( اللي بيقولوا انهم خايفين على الجماعة ) ما بيقول انه مفكر وصاحب راي لو ده حقيقي كان بان الفكر وبان الراي مبانتش الهوجاء والصوت العالي . ارجع واقول في ازمة ولا شك في مشكلة ولا شك ولكن مفيش حد بيسرق حاجة من حد ومحدش بيخون حد ومحدش بيتهم حد ولو ده حصل يبقى البينة على من ادعى واليمين على من انكر وانا قدمت اليمين ولسة مفيش بينة اصلا الازمة سببخا حرص الجميع على الجماعة لا شك وخوف الجميع على الجماعة لا شك وحب الجميع للجماعة لا شك تختل الافكار تختلف الرؤى تختلف المعطيات لدى كل فرد يختلف الفهم لدى كل فرد هو ده اللي بيسبب الازمة بالاضافة للتعامل الاعلامي الشنيع لقيادات الجماعة مع الاعلام واللي لازم يراجع وبحزم وبصراحة وبادب وبمهنية وحرفية جزاكم الله خيرا